Flores de Cores: Azuis, Amarelas, Brancas, Alaranxadas

Cando camiño fóra da cidade

Elas, as flores silvestres,

Están sempre aí...

Á miña beira.

Vermellas, brancas, amarelas, alaranxadas, ...

Gústame velas a todas elas.

Mais as azuis encántanme,

Tócanme a fibra sensible...

Non sei ben o porqué...

Quizás porque a súa cor,

Espello e reflexo do ceo,

Elévame máis preto del.

Elas que nunca voaron

Nin despegaron do chan...

Aínda que... Espera...!

Aí chega o vento...

Fai maxia co seu alento,

E, co seu soprar,

Os pétalos escapan

E semellan paxaros

Ceibes no ar.

Ai! Quen puidera con eles deixarse levar

E polo ceo poder voar!