Palabras De Noa Para Mafalda Na Morte De Quino

 Ola, Mafalda, son Noa!

Xa sei que hoxe estás moi triste! 

Non pasa nada! Sabes que non estás soa! 

Vente comigo para a miña casa. Hoxe non hai sopa!

O que si que hai é iso que a ti che gusta tanto: 

FELICIDADE!

Mary Carmen

Foto: Óscar Touriño 

Deambular Por Recunchos Derruídos

 Adoro deambular por recunchos derruídos que nos enchen a alma coa súa decadente beleza.

Deixarme levar, camiñar devagar e ir pouco a pouco debullando as horas entre pinceladas coloridas e floridas imaxinando a vida de noutrora, activa e dinámica, vestida de pedra e de madeira.                 Mary Carmen 

Disfrutar Do Tempo Limitado Desta Vida Cambiante

 De todos é sabido que o tempo das cousas e tamén o das persoas é limitado... 

Cada día decatámonos máis desa realidade: 

Ao ollar ao noso redor e mirar a decadencia do que antes foi novo do trinque... 

Ao reparar na perda deste ou daquel amigo...

Só a forza e a beleza da Natureza, aínda que cambiante, permanece ao noso carón... 

Disfrutemos dela!

Mary Carmen 

O Pozo E A Rapaza Tristeira

Camiñaba eu pola parte vella da vila e alí estaba ela, rapaza pequena e tristeira...

- Por que non loces un lindo sorriso?

- Miña nai mandoume por auga ao pozo... Está lonxe, son pequena e case non podo, teño medo de romper o cántaro en cachos e estragar todo...

Ofrecinlle a miña axuda, aceptou sen dúbida algunha, e entón si apareceu o sorriso tan ansiado e que nunca debería borrarse da súa faciana.

Mary Carmen

Ricardo Carbalho Calero Letras Galegas 2020

A lembranza de Camelia Branca do Ar para Ricardo Carbalho Calero autor homenaxeado no Día Das Letras Galegas 2020

Na casa tinhamos pombas

e, por suposto, un grande gato mouro;

e o meu pai era novo ainda

e no mar do mundo cada dia ...

Papoulas Para 125.000 Visitas. Moitas Grazas!

Xa están por aí as papoulas

As súas cores a lucir...

Se as ves non podes deixar de sorrir

Pois a ledicia non é pouca...

Vermellas ou alaranxadas...

Como non amalas!

Mary Carmen

Poema que conmemora a chegada ás 125.000 visitas! Moitas grazas por continuar aí!

O Espírito Do Bosque Chegou E Faloume

Esta noite cando durmía o espírito do bosque chegou onda min...

Faloume das corredoiras preocupadas porque hai moito que non escoitan o petar dos meus pasos sobre as súas pedras musgosas...

Contoume da tristura dos vellos muíños agora aínda máis silenciosos pois non hai quen se achegue ata eles a espertalos do seu longo sono...

De que as rústicas pontellas teñen saudades de verme remonta-los bulideiros regueiros...

De que as fervenzas e ríos están a perder a súa voz cantariña pois xa non teñen quen cante con eles...

E as árbores, tecedoras de coloridos tapices, ansían o musical ruxerruxe que as miñas botas sabían arrancarlles...

Mesmo as papoulas, margaridas, prímulas, xestas, fiúnchos, fentos e toxos devecen pola miña presenza...

Todos preguntan e queren saber o porqué deste longo afastamento...

Será que xa non queres nada con nós?

Eu sentinme abraiada e non quixen falar dos longos días de dor, agora amainados, mais sempre aí ao axexo, das noites sen durmir, dos momentos de debilidade e fraqueza...

Só puiden prometer que axiña todo pasará e que calquera día destes, co bastón e coas botas, alá me terán de novo a sentir o brío e afouteza que de todos eles emana...

Mary Carmen

Saír Buscar A Raiola Do Sol Polos Camiños

Que saudade de poder saír e buscar a raiola do sol polos camiños...!!!

E alí atoparnos só con quen realmente desexa o noso ben!

Encontros que van compensarnos de todas estas angurias, 
De todos estes encerros sombríos e desacougos...

Mary Carmen

Non Deixes O Monstro Decidir a Túa Felicidade

Temos tantos soños por realizar e estamos tan felices pensando neles, que non reparamos que o monstro, de ollada fulminante e longos cairos, está detrás nosa a querer impedilos...

Por iso... Vixia as túas costas!!! Non lle deixes decidir sobre a túa felicidade!!!
Mary Carmen

Feliz E Venturoso 2020, Cameleiros!

Un ano máis que se vai... Oxalá que no 2020, que está xa aí ás portas, saibamos aproveitar cada instante de felicidade e poidamos ter ollos para todo o encanto que se espalla ao noso arredor.

Que teñamos tempo para pararnos a disfrutar dun por do sol, aló polo luscofusco e da luz máxica das estrelas alá no alto.

Que abramos as fiestras e por elas entre todo o que de bo hai e que permita que amosemos o noso mellor sorriso.

E, sobre todo, que teñamos amor e a saúde necesaria para poder realizar polo menos unha parte de todo o que nos gusta e forma parte da nosa esencia.

¡Feliz Ano Novo, Cameleiros!

 Mary Carmen

Feliz E Xubiloso Nadal, Cameleiros!

E xa está aquí O Nadal!!! Dende Camelia Branca do Ar envíovos un gran sorriso cos meus mellores desexos para estes días. 

 Se Clicades Na Imaxe De Arriba Podedes Ler Todo O Bo Que Quero Para Vós.

Feliz E Xubiloso Nadal, Cameleiros!

Mary Carmen

Noa: Meiga Con Feitizo

E aquí estou eu a pensar, coma meiga que son, no seguinte feitizo que vou formular...

Seguramente botarei man da poeira de estrelas que gardo no meu sombreiro, algúns lunares negros das xoaniñas dos meus pendentes, 4 ou 5 peliños de Lumpur, o meu koala, 2 ou 3 lambedelas de Ripley, a miña cadela favorita, a suavidade do lombo da miña rá, lascas dos cornos do “oso vermello” da casa dos meu avós, pétalos de rosa do casamento da miña tía Mary, unha cullerada do ollo fotográfico do meu pai, quilos dos mimos, paciencia, e intelixencia de miña nai, salpementados cun chisco da súa chispa humorística e aderezados co agarimo da miña madriña e doas de cores dos colares da miña avoa,...

Creo que sairá un bo conxuro,... pero aínda non sei para que....

Se me vedes voando coa miña vasoira, ou camiñando pola rúa, decatarédesvos de que me gustan moito os animais, pero... non vos fiedes moito da araña da miña faciana...

En realidade é a miña gata Lilu, é negra, claro, e gústalle viaxar comigo pero camuflada...

Así que...coidadiño!!! Parece unha araña pero se te achegas, ... Rabuña!!! 

Mary Carmen 

AUTOR DA FOTO: ÓSCAR TOURIÑO

Tigre A Ollar Para Min

Creo que vin un lindo gatiño…

Ah, non é tal,

É un tigre!

Sempre me fascinaron os tigres

Coa súa fermosa pel...

E agora aquí está el

A ollar para min!

Será mellor que quieta fique

Sen un dedo mover,

Nin tan sequera pestanexar.

Será que así

Podereino despistar?
Mary Carmen

Búscote Sempre Coas Flores Aí

Búscote en todas partes

No xardín, no monte, na rúa...

E nesta procura pérdome

Non sei onde...

Pero non estou soa...

Elas están sempre aí...

As flores... tan lindas elas...
Mary Carmen

Unha Barca No Río

A tarde era húmida e fría.

Nas doces augas do río

Unha barca languidecía.

Lonxe do país dos soños estaba

Sen forzas para remar.

Deixádea alá estar!

Non estorbedes o seu descansar!

Mary Carmen

Chega O Outono Para A Paisaxe Renovar

Chega o outono

E con el un cambio de aires

Para a paisaxe renovar.

Vento, Terra, Sol e Mar.

Nas camiñadas pola nosa terra

Un arrecendo espállase no ar

E acompáñanos silandeiro.

Árbores, pedras e flores

Tínguense de novas cores.

Noces, uvas, castañas,

Cogomelos e cabazas

Convídannos ao seu festín.

Mary Carmen

Un Hórreo Na Memoria

Daquil perdido Edén soio me queda,
na néboa da memoria, un hórreo.

Un mundo, ¡tan inorme!,
nas tépedas tardiñas do outono.
.....................................................
Brincaba a ser un home sin sabere
que era moi triste aquil meu xogo.
Todo pasóu. A vida
foi polo tempo dando tombos.

De todo me esquecín. Soio me lembro
daquil Edén, na sombra  daquil hórreo.
Celso Emilio Ferreiro

110.000 Visitas, Flores, Cores E Gargalladas!

Chegadas as 110.000 visitas moitas grazas a todos vós que estades aí e pasades pola vida da xente sementando flores, cores e gargalladas.

Saír Do Pozo Da Amargura

E aí estaba el a tentar saír do pozo sen fondo da súa amargura.

 A vontade era débil, as forzas poucas, mais as mans eran fortes e teimaban en agarrarse á última esperanza.
Quen?... Eu???

Mary Carmen

Paciencia Para Non Perderme

Teño que ter paciencia para non perderme dentro de min: vivo perdéndome de vista. 

 Preciso de paciencia porque son varios camiños, inclusive a fatal calella sen saída.

Clarice Lispector

É Bonito Ser Amigo!

É bonito ser amigo.

                 Mais, confeso,                    

É tan difícil aprender!

É por iso

Eu suplícoche paciencia.

                                  Vou encher este teu rostro                      

De lembranzas!

Dáme tempo

Para nivelar

As nosas distancias!

                                                                        Fernando Pessoa

Disfrutar Do Fresco Azul E Da Paisaxe

De cando en vez xorde unha inquedanza en nós que reforza a idea de que a vida é un instante, cinza no ar...

Por iso non dubidemos: xa que estamos de paso, peiteemos o vento, cabalguemos por riba das ondas, disfrutemos do fresco azul e da paisaxe... 
Mary Carmen

Calma Na Mañá

A mañá estaba calma,

No ar transparente

Só o rechouchío

Dos paxaros nos niños...

Ela permanecía alí,

En quietude total

Allea á lene caricia

Da brisa nas follas verdes 
Das árbores do amor...

Mary Carmen

Encontrar O verso Puro

"...Quen me dera encontrar o verso puro,
O verso altivo e forte, estraño e duro,
Que dixese, a chorar, isto que sinto!"

Florbela Espanca

Sentir A Raiola Do Sol, Camiñar Sen Rumbo

Hai días en que o único que me apetece é saír aos camiños, sen rumbo, recibir o agarimo dunha raiola de sol, sentirme arrolada polo vento e o rechouchío dos paxaros, ... 

 Ese toque, ese son, chegan ata a miña alma, fican alí e fana vibrar...
Mary Carmen

Achégome Ao Precipicio Para Voar

Ás veces, atrevida,

Achégome ao precipicio!

Alí pousada, en nada penso,

Simplemente tomo alento

E respiro sen máis...

Pingas de auga sonoras

Divirten e mollan

A sequidade da rocha.

É tanta a beleza ao meu redor

Que moitas emocións

Afloran no meu interior.

Realidade e ficción

Xúntanse e, aliadas,

Nun tris tras

Lévanme da man

E fanme voar.

Mary Carmen

Deslizar Sobre As Ondas E As Augas Do Mar

Hai veces que soño

Que me deslizo

Sobre as ondas branquiazuis do mar.
Dese mar que é a vida. 

Desde sempre a visión

Das súas augas, calmas ou non,

Batendo contra as rochas

Ou achegándose mansiñas

A bicar a area da praia

Serenan a miña mente

E danme calma.
Mary Carmen

                                                         

Letras Galegas 2019: Antón Fraguas Fraguas

A festa na aldea ten sempre algo de misterio. 

Hai que aguantar a noite, fuxir das encrucilladas e camiñar ás escuras polos fondos camiños e carreiros que a ilusión fai longos e tristes ou curtos e ledos. 

Antonio Fraguas Fraguas

As Nais Fan Florecer A Vida

Flores para todas as nais, 

Esas mulleres

Que fan florecer a vida.
Mary Carmen

Voucho Dicir: 100. 000 Visitas Superadas, Grazas!

E así como quen non quere a cousa, pasiño a pasiño, pétalo a pétalo, flor a flor, xa temos superadas as 100. 000 visitas! Por iso, voucho dicir: Moitas grazas por estar aí!!! Bicos de Camelia Branca do Ar.

Sempre Soñando Corredoiras E Vieiros

Aquí estou...

Sempre a percorrer camiños...

Soñando corredoiras e vieiros...

É primavera e as flores

Perfuman os carreiros.

Os outeiros, lá, na cima

Óllanme pasar...

Falan entre eles e murmuran...

A onde raios ela irá?

Mary Carmen

Flores Para Ver E Cheirar

Flores... A quen non lle gustan as flores? 

 
Tan naturais co seu arrecendo e o seu lindo ollar...

Flores para ver e cheirar...
Mary Carmen 

A Vida Non É Un Pasadizo

A vida non é un pasadizo no que o camiño está marcado e definido...

Por iso hai veces en que camiñamos cheos de dúbidas. Non sabemos que camiño tomar e quereriamos estar en mil e un sitios á vez... Pero só podemos ficar onde estamos e voar nas ás da imaxinación... 
Mary Carmen

A Primavera Xa Trouxo As Flores

 A primavera xa nos trouxo as flores...
E aí están elas a florear e colorar

O camiño, o val, o mundo,...

E a invadir todo co seu recendo!
Mary Carmen

Xa Están As Cerdeiras En Flor

As flores se enguedellan.
O Sol perdeu vergoña.
O vento só é un bico
no abalo das corolas.
Antón Cortizas Amado "Nos páramos da Lúa"