110.000 Visitas, Flores, Cores E Gargalladas!

Chegadas as 110.000 visitas moitas grazas a todos vós que estades aí e pasades pola vida da xente sementando flores, cores e gargalladas.

Saír Do Pozo Da Amargura

E aí estaba el a tentar saír do pozo sen fondo da súa amargura.

 A vontade era débil, as forzas poucas, mais as mans eran fortes e teimaban en agarrarse á última esperanza.
Quen?... Eu???

Mary Carmen

Paciencia Para Non Perderme

Teño que ter paciencia para non perderme dentro de min: vivo perdéndome de vista. 

 Preciso de paciencia porque son varios camiños, inclusive a fatal calella sen saída.

Clarice Lispector

É Bonito Ser Amigo!

É bonito ser amigo.

                 Mais, confeso,                    

É tan difícil aprender!

É por iso

Eu suplícoche paciencia.

                                  Vou encher este teu rostro                      

De lembranzas!

Dáme tempo

Para nivelar

As nosas distancias!

                                                                        Fernando Pessoa

Disfrutar Do Fresco Azul E Da Paisaxe

De cando en vez xorde unha inquedanza en nós que reforza a idea de que a vida é un instante, cinza no ar...

Por iso non dubidemos: xa que estamos de paso, peiteemos o vento, cabalguemos por riba das ondas, disfrutemos do fresco azul e da paisaxe... 
Mary Carmen

Calma Na Mañá

A mañá estaba calma,

No ar transparente

Só o rechouchío

Dos paxaros nos niños...

Ela permanecía alí,

En quietude total

Allea á lene caricia

Da brisa nas follas verdes 
Das árbores do amor...

Mary Carmen

Encontrar O verso Puro

"...Quen me dera encontrar o verso puro,
O verso altivo e forte, estraño e duro,
Que dixese, a chorar, isto que sinto!"

Florbela Espanca

Sentir A Raiola Do Sol, Camiñar Sen Rumbo

Hai días en que o único que me apetece é saír aos camiños, sen rumbo, recibir o agarimo dunha raiola de sol, sentirme arrolada polo vento e o rechouchío dos paxaros, ... 

 Ese toque, ese son, chegan ata a miña alma, fican alí e fana vibrar...
Mary Carmen

Achégome Ao Precipicio Para Voar

Ás veces, atrevida,

Achégome ao precipicio!

Alí pousada, en nada penso,

Simplemente tomo alento

E respiro sen máis...

Pingas de auga sonoras

Divirten e mollan

A sequidade da rocha.

É tanta a beleza ao meu redor

Que moitas emocións

Afloran no meu interior.

Realidade e ficción

Xúntanse e, aliadas,

Nun tris tras

Lévanme da man

E fanme voar.

Mary Carmen

Deslizar Sobre As Ondas E As Augas Do Mar

Hai veces que soño

Que me deslizo

Sobre as ondas branquiazuis do mar.
Dese mar que é a vida. 

Desde sempre a visión

Das súas augas, calmas ou non,

Batendo contra as rochas

Ou achegándose mansiñas

A bicar a area da praia

Serenan a miña mente

E danme calma.
Mary Carmen

                                                         

Letras Galegas 2019: Antón Fraguas Fraguas

A festa na aldea ten sempre algo de misterio. 

Hai que aguantar a noite, fuxir das encrucilladas e camiñar ás escuras polos fondos camiños e carreiros que a ilusión fai longos e tristes ou curtos e ledos. 

Antonio Fraguas Fraguas

As Nais Fan Florecer A Vida

Flores para todas as nais, 

Esas mulleres

Que fan florecer a vida.
Mary Carmen

Voucho Dicir: 100. 000 Visitas Superadas, Grazas!

E así como quen non quere a cousa, pasiño a pasiño, pétalo a pétalo, flor a flor, xa temos superadas as 100. 000 visitas! Por iso, voucho dicir: Moitas grazas por estar aí!!! Bicos de Camelia Branca do Ar.

Sempre Soñando Corredoiras E Vieiros

Aquí estou...

Sempre a percorrer camiños...

Soñando corredoiras e vieiros...

É primavera e as flores

Perfuman os carreiros.

Os outeiros, lá, na cima

Óllanme pasar...

Falan entre eles e murmuran...

A onde raios ela irá?

Mary Carmen

Flores Para Ver E Cheirar

Flores... A quen non lle gustan as flores? 

 
Tan naturais co seu arrecendo e o seu lindo ollar...

Flores para ver e cheirar...
Mary Carmen 

A Vida Non É Un Pasadizo

A vida non é un pasadizo no que o camiño está marcado e definido...

Por iso hai veces en que camiñamos cheos de dúbidas. Non sabemos que camiño tomar e quereriamos estar en mil e un sitios á vez... Pero só podemos ficar onde estamos e voar nas ás da imaxinación... 
Mary Carmen

A Primavera Xa Trouxo As Flores

 A primavera xa nos trouxo as flores...
E aí están elas a florear e colorar

O camiño, o val, o mundo,...

E a invadir todo co seu recendo!
Mary Carmen

Xa Están As Cerdeiras En Flor

As flores se enguedellan.
O Sol perdeu vergoña.
O vento só é un bico
no abalo das corolas.
Antón Cortizas Amado "Nos páramos da Lúa"

Unha Cabana Na Fraga

E que tal unha cabana na fraga?

Estar alí, no medio daquel verdor

Sentindo os nosos pasos resoar

Na alfombra de folla seca...

E, se cadra...

Albiscar un niño de paxaros...

Abrir a xanela e ver o orballo do amencer

Pousar nos pétalos dos mosaicos de cores

Que ante nós se mostran.

Que bo é!!!

Mary Carmen

Sutiles Pinceladas De Primavera

E parece que xa está aí: a incipiente primavera vai deixando sutiles pinceladas da súa presenza por aquí e por alí...

 Mary Carmen

Raiola De Sol No Inverno

Hai días de inverno que espertan coa faciana risoña tal que se fose primavera.

Eses días nos que nos apetece deixarnos acariñar pola lene claridade da raiola do sol axexando detrás das pólas semiespidas das árbores. Mentres, nós, deslizámonos sobre os tapetes que as mans artesás da Natureza tecen para nós.

Mary Carmen

No Día De Rosalía, Galicia Encantada, 95.000 Grazas

Darvos 95.000 grazas por estar aí!!! No día de Rosalía lembrarnos dela, da súa poesía e de Galicia, a súa Galicia encantada!!!!

Lugar máis hermoso

non houbo na terra

que aquel que eu miraba,

que aquel que me dera.

Lugar máis hermoso

no mundo n'hachara

que aquel de Galicia,

¡Galicia encantada!

Rosalía de Castro

Sopra O Vento Tamén No Meu Pensamento

Sopra O Vento, Sopra O Vento

Sopra o vento, sopra o vento,  

Sopra alto o vento alá fóra;
Tamén o meu pensamento
Ten un vento que o devora.

F. Pessoa

A Ollar O Mar

Ollar o mar fai moito ben! 

É unha agradable sensación, estar alí a ollar para aquela inmensidade azul e o lene ir e vir das ondas  a bicar a area. Tes que proba-lo!!
Mary Carmen

Feliz Ano Novo 2019 Polos Roteiros Máxicos Da Vida

¡Feliz Ano Novo 2019, Amigos!

¡Que vivamos novas aventuras polos roteiros máxicos da vida! ¡Que no noso percorrido saibamos descubrir o significado máis profundo do sorriso que nos guindan, a importancia da ollada que nos dirixen e o agarimo dunha aperta sincera…

Xa é Nadal! Feliz Nadal De Novas Emocións!

Xa é Nadal! Feliz Nadal! E que cada momento no camiño da vida nos reserve bonitas sorpresas e novas emocións... 

  CLICADE NA IMAXE DE ARRIBA E VEREDES OS MEUS DESEXOS PARA TODOS VÓS!

Palabras De Despedida Da Escola

Palabras de emoción na nosa despedida da escola. Clicade na foto para que comece a presentación.

Poemas De Rosalía No Seu Día

Hoxe en Galicia celebramos O Día de Rosalía. Aquí vos deixo algúns dos seus poemas recitados polos meus alumnos.

CLICAR AQUÍ PARA ESCOITAR OS POEMAS

Soño E Realidade: Máis De 85.600 Visitas

“Fai da túa vida un soño e do teu soño unha realidade.”

Antoine de Saint Exupéry

No día do amor só quero desexar moito amor de todas as formas posibles a todos os amigos e lectores que se achegan por aquí, a este recuncho de Camelia Branca do Ar. Grazas a vós xa sobrepasamos as 85.550 visitas! Moitas grazas!

O Segredo Da Vida

O segredo da vida, no entroido e sempre, é aproveitar cada momento, porque cada instante é único!

A Vida Nos Ollos de Quen Sabe ver

É necesario abrir os ollos e decatarse de que as cousas boas están dentro de nós, onde os sentimentos non precisan de motivos nin os desexos de razón.

 O importante é aproveitar o momento e aprender a súa duración, pois a vida está nos ollos de quen sabe ver.  

Gabriel García Márquez.

Feliz Ano Novo 2018 De Felicidade!

¡Feliz Ano Novo!

Camelia Branca do Ar desexa que o 2018 sexa para todos nós un ano de felicidade e moitos éxitos e nos permita acadar tódolos desafíos que se nos poñan por diante!

Xa Chega O Nadal! Feliz Nadal!

Xa chega O Nadal! A época en que parece que todo recibe un toque de maxia e fantasía! Ese tempo para Agradecer, Reflexionar e Celebrar. Feliz Nadal para todos, amigos e lectores!

 Clicar na imaxe para ver unha presentación de desexos navideños:

Mudanza Na Esencia E Pegadas Na Area

Aínda que hai persoas inmobilistas, non cabe dúbida de que a vida é unha constante mudanza!

Está no noso interior, na nosa esencia! E no transcurso dese cambiar imos deixando pegadas detrás nosa, igual que facemos ao camiñar pola area. Pegadas que outros seguirán para continuar na nosa estela e non ficar atrás!

Subir E Ver O Camiño

Hai veces en que andamos perdidos... Mas todo ten solución e non debemos dubidar en subir a onde sexa para mirar máis alá e ver o camiño a seguir. Seguro que o conseguimos!