Camelia Branca do Ar: setembro 2016

sábado, 24 de setembro de 2016

A miña vida, o meu tempo

É coma un río desbocado...

Este río que velaí vai aloucado...
Rumbo ao mar da miña fantasía...

Mary Carmen

E xa están aquí os meus dragóns favoritos!

Aparecen sempre no medio das rosas, nos xardíns de Casto Sampedro, a nai a coidar do fillo saído do ovo!

E é que Pontevedra está inmersa na Feira Franca, en plena Idade Media!

A Praza da Ferrería vibra de ledicia e xente!

Cos artesáns afanados no seu traballo.

Veredes alí os nobres cos seus roupaxes.

Veredes os cabalos pola cidade.

Os bois a carrexar o viño de Castela.

Os burros coas súas alforxas.

E ata dragóns a botar lume...