Xa Chegou O Outono!

 É Outono e as árbores do bosque sábeno...

Coas súas follas movidas polo vento van intercambiando mensaxes escritas no vaivén da caída... Xa chegou!... Xa está aquí...! 

Saben que o outono, paseniño, vai pintando de amarelo a súa vestimenta...

E que pouco a pouco van quedar espidas fronte ao frío...

Non lles importa... porque saben que, grazas a elas, a man artesá da Nai Natureza confecciona lindos tapetes dourados onde pousar os pés, e que co seu ruxerruxe enchen o mundo de música ruxidoira que nos chega á alma... 

Mary Carmen