Eu sei dunha estrelaperdida nos ceios,
irmá dos meus soños e dos meus anceios.
A estrela rebrila
cando miro pra ela
cos ollos abertos
i ollada sinxela.
Eu sei que esa estrela
perdida na noite
si cecais lle falo,
cecais ela escoite.
Eu sei dunha estrela
cal outra non vin:
¡si eu ollo pra ela,
ela olla pra min!
¡Eu sei dunha estrela!
¡Coa estrela eu soñei:
si ten nome ou non
é o que eu non sei!
Manuel
María
Ningún comentario:
Publicar un comentario