xoves, 31 de decembro de 2015

¡Un Excelente Ano 2016 Para Todos Nós!

¡Chinchín! Un Excelente Ano 2016 Para Todos Nós, Amigos, Lectores E Familiares!
 ¡Que o novo ano traia o sosego da paz, e a receita da felicidade!

domingo, 27 de decembro de 2015

Tornado Meniño Brinca Cos Meus Soños

Nun medio día de fin de primavera
Tiven un soño como unha fotografía
Vi Xesús Cristo descer á Terra,
Chegou pola costa dun monte
Tornado outra vez meniño,                    
A correr e a rolar  pola herba                                  

E a arrancar flores para deitalas fóra
E a rir de modo que se ouvise de lonxe.

...........................................................
El dorme dentro da miña alma
E ás veces esperta de noite
E brinca cos meus soños,
Vira uns de pernas para o ar,
Pon uns enriba dos outros
E bate as palmas soíño
Sorrindo para o meu sono.
Alberto Caeiro (F. Pessoa)

mércores, 23 de decembro de 2015

Xa Está Aquí O Nadal!

E un ano máis... Así de repente... Xa está aquí O Nadal!!!
Desde o blogue Camelia Branca do Ar os meus mellores desexos para todos vós nestas festas tan familiares!
CLICADE NA FOTO PARA VER UNHA PRESENTACIÓN DE BOS DESEXOS
nb

xoves, 17 de decembro de 2015

No Silencio Dun Abrazo

A miña amiga ten unha mágoa... 
Eu quixera dicirlle palabras de consolo...
Mas o don da palabra non é o meu...
Verdade que xa nos pasou algunha vez?
E que facer entón?
Pois estar aí.... Iso é o que importa!                                
Ás veces non precisamos de palabras para axudar e animar a un amigo!
Saber escoitar tamén é importante!
Cando non sabemos o que dicir, e a tristeza é profunda, un simple abrazo, unha mirada de complicidade, de partillar a pena, chega ata a alma!
Poder acoller un amigo no noso ombreiro e no silencio de un abrazo iso fai moito ben!
Os nosos ombreiros sempre están aí para acoller os amigos! É francamente fantástico poder dicir a un amigo: Se precisas de un ombreiro, eu teño dous! Se precisas de alguén que te escoite, esa persoa son eu! Non o penses dúas veces...!

mércores, 9 de decembro de 2015

O Mar E As Túas Pegadas Na Area

Vou camiñando a través do tempo
E co debullar dos anos, 
Dos meses e dos días,
Miro en fite os acontecementos 
Pasar e deambular.
A paisaxe é fermosa ao meu redor,
Pero, o camiño polo que piso,
Non ten chan para facer resoar 
O meu cansado paso.
Por iso, todo é silencio ao meu carón.
E é entón que a imaxe do mar aparece,
Coas túas pegadas na area.
Para encher de saudade 
                                                                                        O meu corazón.

martes, 24 de novembro de 2015

Tempo De Outono E Magostos


Tempo de Outono,
Tempo de magostos,
Tempo de comer castañas.
Tempo de tisnar a cara.
Tempo de brincar 
Por riba da fogueira.   
Tempo de voltar para tras
E revivir a infancia... Sempre!

mércores, 28 de outubro de 2015

Especiais Tardes De Outono

As tardes de outono non cabe dúbida de que teñen un aquel especial...
E que bo é cando nos deixamos levar e sacamos os nosos ollos e o corpo todo a pasear e empaparse de todas as fermosuras do noso arredor.
A nosa alma fica chea e encántase con todo!
Deixémola disfrutar!

sábado, 17 de outubro de 2015

Folla, Poeira, Invisible



Cando eu for, un día deses,
Poeira ou folla levada
No vento da madrugada,
Serei un pouco do nada
                   Invisible, delicioso...
Mario Quintana

sábado, 3 de outubro de 2015

Cara A Un Mar De Aventuras

E case sen pensar 
O tempo está a pasar.
Gran a gran, o reloxo de area da vida,
Está a se baleirar.

Pero eu, 
Neste meu camiñar,                             
Non quero ollar para atrás.

De aí é de onde veño,
A paisaxe xa a coñezo.
Os meus pasos levaranme
Sempre cara adiante.
Os carreiros preséntanse ante min
E convídanme a entrar 
Naquelas adustas paraxes.
Eu sei que para min 
Un mundo novo se abre.
Un mar infinito de aventuras,
Soños novos polos que loitar
E tormentas en noites escuras.      
A miña alma susúrrame:
Adiante!

mércores, 30 de setembro de 2015

Entre Barcos De Papel


"Direiche como naceu a ledicia,
como nace o vento entre barcos de papel,
Como nace a auga ou o amor..."
Eugénio de Andrade

martes, 15 de setembro de 2015

Color Contra Melancolía

E hoxe estou pesimista...
Será que a miña alma contáxiase deste atmosfera gris que nos envolve...
Mais non vou deixar que a melancolía tome conta de min...
Eu son máis forte! Podo loitar e sei que vou vencer!
Deixo esta visión colorida, sen dúbida pode axudar a mellorar e impedirme caír no pozo da tristura!

domingo, 6 de setembro de 2015

Pontevedra Feira Franca 2015

E aquí estamos outra vez... Ves fillo como estas persoas están contentas de vernos?

Xa cho dicía eu! Todos os anos pasa o mesmo.
E é que estamos tan ben aquí neste fermoso xardín! E mira que fermoso é todo o que nos rodea!
Creo que non quero fuxir de aquí!
Para o ano volveremos a acudir á nosa cita coa Feira Franca de Pontevedra!

martes, 25 de agosto de 2015

Ofrenda Floral Peregrina 2015

Como tódolos anos, o segundo sábado de agosto, celebrouse a tradicional ofrenda de flores á Virxe Peregrina, Patroa da Provincia de Pontevedra.
Tamén, como vén sendo habitual nos últimos anos, o pregón tivo como escenario a Praza de Mugartegui á que nós sempre nos achegamos a través dos Arcos de San Bartolomé.
A praza por certo, atopábase moi concorrida e animada!
Iso sucede cada ano, pero este ano quizás acudiu máis xente, ávida por escoitar as palabras pronunciadas polo noso campión Javier Gómez Noya.
Despois iníciase o percorrido ata a Capela da Peregrina.
Este ano por certo cambiouse o itinerario.
Pero o importante era chegar alí, á capela.
E poder deixar as flores ante a Virxe.
Non podían faltar os xigantes e cabezudos.
E despois unha visitiña pola nosa bonita cidade. Unha foto na Ferrería.
En San Bartolomé.
Diante do Liceo Casino.
Na rúa Manuel Quiroga.
 Na Praza do Teucro.
No cruceiro das Cinco Calles.
En Santa María.
Coa Virxe dos Praceres.
Dando unha reviravolta.
Fermosa sempre a nosa cidade!
E non nos esquecemos de saudar a Valle Inclán.

 E xa por fin... Un descansiño non vén nada mal...

luns, 17 de agosto de 2015

¡Feliz Cumpleaños, Cris!

Y hoy es tu cumpleaños, Cris. Que sepas que no te olvidamos.
¡Feliz Cumpleaños! Alles Gute zum Geburtstag! Happy Birthday!


sábado, 8 de agosto de 2015

Moitas Grazas, 65.000 Visitas!

Hoxe só quero deixar o meu agradecemento a todas aquelas persoas que por aqui pasades.
A esas 65.000 visitas, Moitas Grazas por continuar ahí e deixarme compartir com vós unha parte, só unha pequena parte das miñas cousas, das miñas ideas, sentimentos e pensamentos!!!

martes, 4 de agosto de 2015

Brisa De Verán


"No atardecer dos dias de Verán, 
ás veces,
Aínda que non haxa brisa ningunha, parece
Que pasa, un momento, unha leve brisa..."

Alberto Caeiro, (F. Pessoa) 
"O Guardador de Rebanhos"

mércores, 29 de xullo de 2015

É Bo Esperar!

Ás veces ficamos á espera... 
Á espera de que??

Se cadra nin sabemos o que esperamos... 
Pero é bo esperar aínda que non se saiba o que... 
E aínda que hai quen di que o que espera, desespera, é mellor iso, ter ilusión por algo, sentir, ter esperanza de que algo vai acontecer... 
Mellor iso que non sentir nada!

martes, 21 de xullo de 2015

Sentir Con Claridade E Vida



Se nós fosemos como debiamos ser
Non habería en nós necesidade de ilusión.
Bastaríanos sentir con claridade e vida.            
Alberto Caeiro (F. Pessoa)                                 

martes, 14 de xullo de 2015

Vivir A Vida En Equilibrio

E hai veces na vida que non sabes como actuar...
E aínda hai quen di que a vida é un equilibrio...
 Por iso o mellor é vivila, facela nosa, sen pausas pero tamén sen presas, sen dramas e sen cousas que veñan a complicarnos...

xoves, 9 de xullo de 2015

Ás Apegadas Á Terra

O vento anda a me procurar. 
Non ten paciencia, non fica na súa casa e sae a buscarme.
Non importa onde eu estea, na casa, no paseo, na praia...
El aparece e quere levarme con el.
Ás veces case consegue facerme voar.                          
As miñas ás coloridas despréganse no ar.
Mais... A súa sombra, escura e medoñenta, aférrase á terra e non me deixa despegar...

mércores, 1 de xullo de 2015

Amor É Todo O Que Fai O Mundo Xirar

Ás veces hai que vestirse de gala e, imitando a Bob Dylan, cantar aquilo de:
“Amor é todo o que hai, o que fai  ao mundo xirar. Amor e só amor, non pode negarse. Non importa o que penses, non serás capaz de facer nada sen el”

mércores, 17 de xuño de 2015

¿Amizade, Conveniencia Ou Aproveitamento?

Cando se fala de amizade pénsase en algo que se comparte con outra ou outras persoas.
E algo que sempre se di é que os amigos vense nos momentos malos, aqueles de dificultade.
 


















Pero eu penso que tamén nos bos momentos é que se ve a amizade.
Porque hai persoas, que en nome desa amizade, son especialistas en conseguir que os outros fagan todo o que elas queren, favores que os amigos fan encantados tamén en aras da amizade. Por un amigo faise todo!

Pero todos sabemos que hai os amigos de conveniencia. Os que se aproveitan da boa fé dos demais.
E así, cando chega o momento de celebrar o que queira que sexa, no momento da verdade, os que ata alí demos todo o mellor que sabemos, todo o noso mellor, e que facemos todo o que nos foi pedido, botando toda a carne no asador, somos deixados a un lado. Somos pagados cun simple ola.
E quen, ese día importa, e leva os mellores recoñecementos, quen sae na foto oficial,  quen ten o honor de poder conversar co protagonista, son as persoas recén chegadas, que ao mellor nunca máis volven a aparecer, e que ás veces nin teñen moitas gañas de estar alí.
E incluso as persoas que non aparecen, as que se desculpan por teléfono ou cunha mensaxe no whatsapp, reciben mellores recoñecementos, mellores palabras, que os que estamos un día e outro día sempre a axudar.
Creo que xa me chegou a experiencia. Que me aconteza o mesmo unha e outra vez.
Porque eu estou sempre aí, no día a día e nos malos momentos, pero  tamén me gustaría poder estar nos momentos felices.
Porque tamén me gustaría poder disfrutar do éxito que axudo a conseguir.
Pero como non é así, a partir de agora vou mirar con lupa todo aquilo que se me pida facer de favor. Dá igual que sexa amigo ou non. Disque o tempo dos parvos acabou! Vou ver se desta escarmento! Creedes que son capaz?