venres, 27 de abril de 2012

Ás veces queremos berrar alto!


Hai veces, moitas, en que só temos gañas de berrar… 
E tamén moitas veces, descoñecemos o motivo…

Mas, o berro está aí, no noso interior, loitando por saír a fóra... Con todo,  non podemos poñernos a soltar á toa, todo o que nos fire e nos magoa...

Nen todo o que nos fai felices... A xente podería non entendelo... E podería chamarnos de tolos... 
Entón? Qué facer?

Moi simple: O mellor para gritar e que non nos chamen toliños é poñernos a escoitar música a todo volume, e finxir que cantamos... Nós, só gritamos e ceibamos a fera de dentro da nosa alma...
Ou tamén podemos achegarnos ata a beira do mar, nós que o temos tan perto, e nunha noite de treboada... Alá co bramar das ondas contra as rochas, e o ruxido dos tronos, deitar para fóra tódolos nosos sentimentos... Os bos e os malos, sen deixar un atrás...
Nós sos... Alí chantados na area, e na escuridade... Apenas iluminados pola luz dos lóstregos a estourar por riba de nós!!!

domingo, 22 de abril de 2012

Día Do Planeta Terra

O Día da Terra foi ideado polo senador americano Gaylord Nelson, no día 22 de Abril coa finalidade de crear unha consciencia común aos problemas da contaminación, de conservación da biodiversidade e outras preocupacións ambientais para protexer a Terra.
Disto xa hai máis de 40 anos, e desde entón o Día da Terra, no 22 de abril, ten inspirado e mobilizado moitas persoas e organizacións en todo o mundo para demostrar o seu compromiso coa protección ambiental e asustentabilidade...Coidar da  Terra é tarefa de todos!!

E agora deixo uns versos dun  poema de F. Pessoa, un dos meus poetas predilectos... Ninguén como el para cantar a beleza que está ao noso arredor!

Deus quer, o homem sonha, a obra nasce.
Deus quis que a Terra fosse toda uma,
Que o mar unisse, já não separasse. 
....................................................
E viu-se a Terra inteira, de repente,
Surgir, redonda, do azul profundo.

E para os que vos gusta a música unha canción de Michael Jackson: Heal The World

xoves, 19 de abril de 2012

Vencer No Xogo Da Vida


A vida é un xogo e nel todos queremos gañar... Ninguém quere perder... Mais para ser bos xogadores, para ser vencedores,  ás veces hai que arriscar, aceptar os desafíos e apostar por nós  mesmos... Só así conseguiremos mostrar o que podemos ser e a onde podemos chegar...
Mais aínda así hai quen ten medo a errar... E se erramos e nada resulta o que nós pensabamos ou o que nós queriamos? Pois... Nada... O xogo continúa, e nós con el... E, aquí, eu, teño que dicir que eu sempre, sempre, xogo mellor em compañía... Non sei, nin quero, xogar soliña...
 

martes, 17 de abril de 2012

Escapar A Correr Da Realidade

Nesta nosa sociedade actual, se ollamos a forma en como vivimos, podemos dicir que somos fuxitivos... Non estás de acordo?
Sempre nos encontramos a correr de un lugar para outro... Sempre con présa... Parece que somos como aquel personaxe dunha serie de televisión de cando eramos pequenos: “El Fugitivo”...
Semella que temos alguén que anda detrás de nós... E nós como reacionamos? Pois andamos sempre de fuxida, para non deixar que ese alguén nos apañe...

Somos escravos fuxitivos... E de que fuximos? Hai quen di que fuximos da nosa realidade...
E eu concordo... Somos escravos da nosa realidade e queremos fuxir dela...
Mais por veces non podemos... E entón que facemos? Pois correr... Continuamos a correr... Sen paraxe... Sempre a correr...

mércores, 11 de abril de 2012

Deixar sair a criatura que hai en nós

É moi bo conservar a parte infantil que hai em nós... 

E de vez em cando fainos moito ben deixar sair esa criatura e brincar, rir, esquecer os problemas por un intre, dar todo de nós, botalo para fóra...

 E así poder ollar para o futuro como elas fan, de unha maneira inxenua, mais con enerxía e confianza!

mércores, 4 de abril de 2012

Un Abrazo Para Continuar O Camiño

Nesta vida temos que tentar ser sempre fortes... Todo o fortes que poidamos ser para non nos deixar derrubar polos golpes que a vida nos pode dar...

 Mais ás veces, nos momentos máis tensos, cando parece que todo nos supera, un abrazo, unha palabra de unha persoa amiga, de un irmán ou de unha nai fan  moito ben e axudan para continuar o noso camiño!!