domingo, 26 de febrero de 2012

A Música É Vida

A min, desde ben pequena, gústame moito a música... 
Lembro aqueles cantares con que miña avoa amenizaba o tempo que ela pasaba a coser, que era moito, pois era costureira, e que eu primeiro escoitaba, pasmada, e logo intentaba reproducir...
Lembro aqueles sons e aquelas letras que Lola, a tía de miña nai traía das súas longas estadías lonxe de nós, e que falaban de covas, de meigas, de serpes, de mouras a se peitear nunha rocha, de amores... E que me amosaban un mundo rico en aventuras e cheo de harmonía...
E como non lembrar aquelas cantigas dos nosos xogos de infancia tantas e tantas veces repetidas ao longo desa bonita etapa na miña vida...
E que dicir dos bailes da nosa adolescencia... E aqueles discos de vinilo de cantantes, bandas e grupos, galegos, españois e internacionais que escoitabamos a todas horas.....
 E non podo deixar de mencionar á “Madre Eguilior” e á “Madre Tablado” que me introduciron no mundo da música clásica, e descubriron en min unha voz, que segundo elas había que “cultivar”, cando eu cheguei ás súas mans, e que certamente deu os seus froitos, pois aínda hoxe adoro cantar e os que me escoitan, despois da sorpresa inicial, e de dar cerrado a boca, falan que é unha voz moi doce e bonita... 
Entón, como digo, eu paso a vida a cantar...   
Por iso, eu sería incapaz de vivir sen música... A música está sempre aí, en calquera momento e situación... Cando eu estou alegre, cando eu estou triste, cando río, cando eu choro... Ou cando eu fico sen palabras...
Aí está sempre a música e esas persoas importantísimas: Os músicos, para expresar todas as miñas emocións... O que se pasa pola miña na cabeza e, tamén, e máis importante, o que acontece no meu corazón... Por iso moitas grazas por estar aí!

4 comentarios:

  1. Se na vida amor existe, fado é ternura
    Sem amor o fado é triste e a vida é dura
    Mas se desponta uma esperança de ser amado
    Até no riso de uma criança, pode haver fado...
    Carlos Ramos

    ResponderEliminar
  2. Se podia viver sem música? Poder, podia, mas não era a mesma coisa!

    Bjs

    ResponderEliminar
  3. Claro que não era a mesma coisa...
    Eu acho que eu não podia!!!
    Os meus alunos dizem que eu tenho
    uma musica para cada ocasião...

    BJS

    ResponderEliminar
  4. Ana, muito obrigada!
    Eu também gosto de fado!

    ResponderEliminar